زہرہؑ دی نُوواں اپنا اِیویں فرض نبھایا

میں زینبؑ ہاں میں زینبؑ ہاں رئیاں کیندیاں اے بھر جائیاں

کس جا تے کیڑا ڈگیا نئیں ماواں نوں وی خبراں

بس ماں زہرہؑ اے جاندی جنے لاشاں دفنائیاں

وقتِ رہائی اونوں جدوں لُٹدا مال مِلیا

سجادؑ نے اویں قید وچ چدراں اکھیاں نَل لائیاں

قاسمؑ دی موت تو ودھ اونوں غم اے کھا گیا اے

لوکاں عابدؑ دے سامنے کبریٰؑ نوں رسیاں پائیاں

سر ننگے مجمیاں وچ تِن دِن کھلوتی رئیاں

جیڑی ماں دی قبر تے روون لئی ادھ رات دے ویلے آئیاں

میرے صبر تے مینوں آ سینے لا لے بابا

پتراں نوں دفن تے کیتا اے تو دھیاں نئیں دفنائیاں

میت سکینہؑ دی جد رکھ کے قبر دے اندر

زخمی گردن تے ہتھاں چوں ہتھاں نَل رسیاں لائیاں